Большой разговор с десантником Павлом Филатьевым, автором книги ZOV
Douglas Lenat
Վերադարձ
Ինքնաթռում իմ դիմացի շարքում երկու ուղևոր միմյանց ներկայացրեցին նույն նստատեղի կտրոններ։ Պահանջվեց ավիաընկերության աշխատակցի միջամտությունը, որպեսզի պարզվի, որ նրանցից մեկի կտրոնը Լոս֊Անջելես֊Ֆրանկֆուրտ չվերթից է։
Ինքնաթռի թափավազքից առաջ մի փոքրիկ աղջիկ սկսեց զռալ։ Ծնողները նրան չէին կարողանում հանգստացնել։ Վերելքի ավարտին նա ձայնը կտրեց, բայց վայրէջքը ևս զռոցով դիմավորեց։ Իսկ անձնագրային ստուգման հերթում լավ էլ ուրախ տեսք ուներ ու իրեն ամաչեցնողներին ի պատասխան կտրականապես հերքում էր ինքնաթռում իր զռալու մասին պնդումները։
Զվարթնոցում, ինչպես և տարիներ առաջ, դիմավորեցին խորհրդավոր տեսքով տաքսի առաջարկող վարորդները, որոնք իրենց արհամարող ժամանողներին հետապնդում են այնքան, մինչև աներկբա բացասական պատասխան չստանան։ Անձամբ ինձ տաքսի պետք չէր, քանի որ որոշել էի Երևանը Լիոնից չստորադասել ու օգտվել առավել էկոլոգիապես մաքուր տրանսպորտից՝ կոշիկներիցս։ Արդեն լուսացել էր։ Երևանի մայրուղի դուրս եկա Փարաքարի գյուղական փողոցներով։ Լիոնի արվարձանների հետ համեմատությունը միանշանակ հօգուտ Փարաքարի չէր։ Մի դրական բան կար, այնուամենայնիվ․ այս տարվա մեջ առաջին անգամ ծառից թութ կերա։
[Read More]
Ֆրանկֆուրտ
Ֆրանկֆուրտում ժամանակը սուղ էր ու ոտքով քաղաք հասնելու համար չէր բավականացնի։ Ուստի, նախօրոք ուսումնասիրել էի Ֆրանկֆուրտի հասարակական տրանսպորտի տարբերակները։ Ի զարմանս, ամռան ամիսներին ինը եվրոյով կարելի էր գնել մեկ ամսվա մշտական տոմս, որը գործում է Գերմանիայի ողջ տարածքում ու կիրառելի է քաղաքային ու մերձքաղաքային հասարակական տրանսպորտի բոլոր տեսակներում (ավտոբուս, տրոլեյբուս, տրամվայ, մետրո, արվարձանները կենտրոնին կապող գնացքներ)։ Rhônexpress-ի մեկանգամյա մեկ ուղղությամբ տոմսի համար Լիոնում վճարել էի €16.30 (բայց եթե առցանց գնեի, այն կարժենար €15): Կարծելով, որ մի բան այնպես չեմ հասկանում, մի քանի անգամ ուշադիր կարդացի ինը եվրո արժողությամբ մշտականի պայմաններն ու համոզվեցի, որ ես ևս իրավասու եմ այն ձեռք բերել։ Արդեն Երևանում Արտյոմից իմացա, որ Գերմանիայի իշխանություններն այդ գրեթե անվճար տոմսի ծրագիրը գործարկել են Ուկրաինայում պատերազմի ֆոնին թանկացած վառելիքի պատճառով սոցիալական բեռի աճը մեղմելու նպատակով։
[Read More]Սեն Բոննե/Լողան դը Մյուղ
Լյուֆթհանզայի ընձեռած՝ Ֆրանսիայում մեկ օր ավել անցկացնելու հնարավորությունը որոշեցի օգտագործել՝ այցելելով Լիոնի օդանավակայանի հարևանությամբ գտնվող որևիցե բնակավայր։ Քարտեզի ուսումնասիրության արդյունքում ընտրեցի դեպի հարավ֊արևմուտք ուղղությունը, այն է՝ քայլարշավ դեպի Սեն Բոննե դը Մյուղ և Սեն Լողան դը Մյուղ համայնքները։
[Read More]Հեքըթոնի ավարտ
Հեքըթոնն ավարտվեց։ Իմ մասնակցության առավել կարևոր արդյունքը այն էր, որ հանդիպեցի Քիվիքսի թմին։ Միակ շոշափելի արդյունքն էլ կայանում էր Մաթյոյի PR-ներից երկուսը ինտենսիվ շփման շնորհիվ վերջապես ավարտին հասցնելու մեջ։
Ուրբաթ օրվանից մնացել էինք երեքով՝ Էմանուելը, Ռենոն ու ես։ Բորիսը չորեքշաբթի օրը մեկ օրով մեկնել էր հոր համերգին ներկա գտնվելու ու չկարողացավ վերադառնալ գնացքի գծի վրա կամրջից ընկած բեռնատարի պատճառով։ Ֆլորիանը ուիքենդը անց էր կացնում ընտանիքի ու բարեկամների հետ։ Նմանապես, ուրբաթ օրը տուն էին վերադարձել Մաթյոն ու Թոմը։
[Read More]
Դղոմենադ
Այսօր Ֆլորիանը բոլորիս տարավ լանչի Քղեից դուրս։ Էմանուելը, ես ու Մաթյոն լողացանք Դղոմ (Drôme) գետում: Դղոմը քնքշորեն առաջարկում էր լրիվ անվճար տանել մեզ Քղե, բայց մենք երեքով վերադարձանք այնտեղ ոտքով՝ գետափնյա արահետով։
[Read More]Տագնապի ազդանշան
Այսօր տագնապի ազդանշան միացավ Քղեում, բայց ֆրանսիացի գործընկերներս, կարծես, այն չէին լսում։ Իմ հարցին, թե ինչ է նշանակում շչակը, Մաթյոն պատասխանեց, որ դա ամենամսյա ստուգում է, որն ամբողջ երկրով մեկ իրականացվում է ամեն ամսվա առաջին օրը։ Մաթյոն համաձայնեց իմ այն դիտարկման հետ, որ այդպիսի հստակ գրաֆիկը լավ հնարավորություն է ընձեռում Ֆրանսիայի վրա ամսի մեկին հարձակվելու համար, սակայն ավելացրեց, որ առաջին ազդանշանից հետո երկրորդի միանալն արդեն չի արհամարվի։
Պատերազմից հետո Հայաստանում նախապես հայտարարված և ո՛չ մի ուսումնական տագնապ չեմ կարողանում մտաբերել։ Այսպիսով կյանքումս առաջին անգամ տագնապի ազդանշան լսեցի Ֆրանսիայում։
Քղեի զնդան
Այսօր հեքըթոնին մեկ օրով միացավ Սթեֆանը։ Մաթյոն, ընդհակառակը, մեկ օրով լքեց մեզ։ Ես էլ որոշեցի այցելել Քղեի տեսարժան վայր միջնադարյան զնդան֊աշտարակը։
[Read More]Հեքըթոնի մեկնարկ
Առավոտյան Էմանուելի հետ գնացինք նախաճաշի համար գնումներ անելու։ Պարզվեց, որ Քարֆուրը մեր տնից ոտքով հինգ րոպե քայլելու հեռավորության վրա էր։
Ըստ էության, հեքըթոնը մեկնարկել էր դեռևս երեկվանից։ Առաջին հայացքից, առկա էին դրա համար բոլոր անհրաժեշտ պայմանները։
[Read More]